Artista Plástico y Prof. Nacional de Artes Plásticas HARMODIO CÉSAR SOLER MÉNDEZ A 3 años de su partida Karaite va'ekuéko nde marangatuete ha rejehayhuetéva. Heta mba'eporã rejapókuri ko yvy ape ári ha upéi kirirîhaitépe orereja tyre'ÿ. Péicha roime mbaitérõ, roñembyatypárõ ápe ko ñane tapÿime, katuete oremandu'a nderehe ha roñepyrûma rojahe'o orekane'ôha peve, amo ore ánga apytete guive. Mba'embyasy roñandúva tuichaitérei. Ne rembireko CÁNDIDA, nde rajy TERESITA ha nde ra'ykuéra HARMODIO CÉSAR ha RUBÉN DARÍO, avei neremiarirônguéra ANA PAULA ha SARITA LUJÁN eterei nderechaga'u ha manterei imandu'a nderehe. Ko mborayhu roguerekóva ijapyra'ÿva tuichaiterei. Ápe oî avei orendive nde ra'yanga KUKI YUBERO ha nde rajyanga SARA FLEITAS. Ha péicha rohasa rohóvo ko ore rekove. Ñandejára mante ogueruva'erã oréve py'aguapy. Peteî árape jajotopapaitéta amo mombyryete, umi mbyja omimbipáva apytépe, ha upépe javy'apaitéta oñondivepa. Ta upéicha.